.
.
الخميس, 17 يناير, 2008
عارفه انكوا هتقولوا مين ايمان دى وليه بكتب عنها ايمان دى شخصيه موجوده جوانا كلنا
مش شرط نكون كلنا ايمان بس فينا منها
ايمان دى
بنت مجنونه كده وطاقه
ايمان دي
ضحكه بصوت عالي
دمعه تملا بحور
وش يريحك لما تبص له
ودان تسمعك لما تكون زعلان
ايمان دى
كتف تبكي عليه لما تكون مخنوق
عيون تشاركك ف دموعك
ممكن تزعل عليك اكترمن نفسك
طيبه لدرجه الهبل
ايمان دى
سهل انها تتاثر بيك وتلقيها حته منك
لو حبتك هتديك
لو كرهتك مش هتاذيك
صعب تزعل منك
ايمان دى
بتشيل ف قلبها لحد متنسى لوحدها
تشتكيلك من طوب الارض
تخليك تشيل منهم
وف الاخر تقولك انا خلاص
سامحتهم ونسيت
ايمان دى
بتبرر لنفسها تصرفتها
تدور ف كلامك على اللي يريحها
وف الاخر تعمل اللي ف دماغها
مجروحه جروح كتيره معلمه فيها من جوه
ميحسش بيها غير اللي يحبها
وانا حبيتها
ايمان دى
صديقه عمرى اللي اخترتها
واللي اتمنى تفضل جنبي لاخر يوم في عمرها
ايمان دى
احلى ايام حياتى معها
ايمان دى
ذكريات مش ممكن انساها
ايمان بالنسبه لي ضحكه وعلقه وتزويعه
ايمان بالنسبه لي جراح والالام
ايمان عندى هى كل الاحلام
حلم صديقه اتعلق بيها
اتحقق الحلم
والحمد لله
يارب يخليكي ليا يا ايمان
(2) تعليقات
أضف تعليقا
ya b7't eman beekyأضف تعليقا
<<الصفحة الرئيسية
.
.
من مصر
والله ما قادره حتي اتمالك اعصابي عشان اكتب تعليقي..انا حتي مش لاقيه كلام اقوله..بس لو ايمان دي كده فعلا فاكيد انتي اعظم ..بدليل استمرار صداقتكم ..ولو كانت هي حلم الصداقه فاكيد انتي احلي حقيقه بالنسبه لها
وربنا يخليكي لها ....:-*